Një ngjarje e rëndë është raportuar në Maliq.
Burime për gazetën shqiptare bëjnë me dije se shtetasi Gjergj Mullalli ka vrarë bashkëshorten e tij 46-vjeçaren Luiza Mullalli.
Ngjarja bëhet me dije se ka ndodhur në fshatin Zemblak.
Mësohet se çifti ka qenë në proces divorci.
Sipas njoftimit zyrtarë të policisë mësohet se burri pasi e ka vrarë bashkëshorten e tij, e ka hedhur atë në një gropë të ujërave të zeza.
Sakaq policia është vënë në ndjekje të autorit.
NJOFTIMI I POLICISË:
Maliq/Informacion paraprak
Më datë 29.07.2023, rreth orës 20:40, në fshatin Zëmblak, Maliq, në një gropë septike pranë banesës së saj, është gjetur e pajetë, shtetasja L. M., 46 vjeçe.
Nga hetimet paraprake të kryera dyshohet se autori i dyshuar i kësaj ngjarjeje është bashkëshorti i saj shtetasi Gj. M. Nga ana e Policisë janë ngritur grupe kontrolli me qëllim kapjen e tij.
Në lidhje me mjetet që janë përdorur në krim dhe rrethanat e mëtejshme, do ju informojmë pas këqyrjes së trupit të viktimës.
Grupi hetimor po punon për zbardhjen e rrethanave të ngjarjes.
Shfaq Komentet (0)
